Impeksa ni Joel Capulag, presidente ti Alliance of Concerned Teachers- Cordillera Union (ACT-CAR UNION) a saan a naklaat dagitoy iti pannakaibasura ti dua nga impeachment complaint kontra kenni President Ferdinand Marcos Jr.
Sigun kenkuana, ninamnamada a maibasura ti impeachment nangruna ta iggem ni President Marcos Jr. ti executive power.
Inlawlawag daytoy a naibasura ti impeachment gapu iti “insufficient in substance” wenno saan nga umdas ti basaran.
Maibasar iti bilang dagiti saan a pabor iti naipila a reklamo, dumanon iti 39.
Sigun kenni Capulag, mangipakpakita daytoy iti dakkel a papel ti legislative power ken ti bileg dagitoy a mangilaban iti systema.
Innayon daytoy nga addaanda iti natibker nga ebidensia seknan iti impila dagitoy a reklamo.
Nupay kasta, kinunana a legislative paylaeng ket naibasura.
Iti baet dayta, impanamnamana a saanda nga agsardeng agingga a saan a maimpeach ti presidente ken bise presidente.//mp4
