Dinakamat ti sigud a bagman ni Vice President Sara Duterte a ni Ramil Madriaga a nakasagana daytoy a tumestigo ti anyaman nga impeachment proceedings nu mapaayaban daytoy iti Senado, Kongreso, wenno Office of the Ombudsman.
Iti maysa a news forum, dinakamat ti abodago ni Madriaga a ni Atty. Raymund Palad a nakasagana ti kliyente na apaman a makaawat daytoy iti subpoena.
Inaklon met laeng ni Atty Palad a naklaat daytoy idi naamuanna a nainayon ti affidavit ni Madriaga kadagiti impeachment complaints kontra iti bise presidente. Sigun kenkuana, naamuanna laeng daytoy babaen iti media.
Iti nasao nga affidavit, akakusaran ni Madriaga ni Vice President Duterte iti maatap a panangaramatna ti kuwarta manipud iti POGOs ken drug dealers tapno pundoan ti 2022 election campaign daytoy.
Kabayatanna, kinuna ti nasao nga abogado nga agisumitirda ti aplikasyon tapno maipasidung ni Madriaga iti Witness Protection Program gapu iti naawat daytoy nga maatap a death threats. // Bombo Karen Calpoe Sapirao
