Nangitunda iti pannakaikat iti kaaduan a Senate committee ti panag-absent ni Sen. Ronald “Bato” dela Rosa iti Senado.
Iti laeng kalman, nasukatan daytoy kas miyembro ti Senate Committee on Justice and Human Rights no sadino sinmukat ni Senator Joel Villanueva.
Maipalagip nga idi metlaeng napalabas a lawas, nasukatan ni Senator Dela Rosa kas miyembro ti Senate Blue Ribbon Committee no sadino simmukat met ni Sen. Robin Padilla.
Dinakamat met laeng ni Senate President Vicente “Tito” Sotto III a saan metlaengen a karaman ni Senator Dela Rosa iti anyaman a komite iti upper chamber.
Innayonna a mabutosan pay laeng dagiti sumukat kenkuana kadagiti dadduma a komite a nakaikatanna.
Maipalagip a saan a dinmar-dar-ay ni Senator Dela Rosa iti Senado manipud Nobyembre idi napalabas a tawen kalpasan iti damag a nangipaulog ti International Criminal Court iti arrest warrant kontra kenkuana gapu paylaeng iti maatap a pakainaiganna iti kaso a sangsangwen ita ni sigud a president Duterte.
Maipalagip metlaeng a gapu iti nagtultuloy a panag-absent na iti senado, napilaan daytoy iti ethics complain babaen iti civil socity group “Wag Kang KuCorrupt”. //BomboKCS
