Nangiyuswat ti lokal a gobierno idiay Pangasinan iti programa a “Libreng Sakay” kas paset iti serbisioda iti publiko ita a Holy Week 2026.
Maibasar iti pablaak, maaddaan iti libre a biahe iti nagbaetan kadagiti napili a lugar iti nasao a probinsia ken iti siudad ti Baguio iti dua a petsa—ti Abril 2 ken Abril 6, 2026.
Inton Abril 2, mangrugi ti biahe iti alas-6:00 iti agsapa manipod iti Urdaneta City (Maj. Joya Hall) ken Lingayen (Bañaan Museum) paturong iti siudad ti Baguio. Sarunuen daytoy iti return trip iti alas-10:30 iti agsapa manipod iti siudad ti Baguio pasubli kadagiti nasao a pickup points.
Kabayatanna, inton Abril 6, naikeddeng ti panagpanaw iti alas-8:00 iti agsapa manipod iti Urdaneta ken Lingayen paturong iti siudad ti Baguio, bayat a ti pasubli a biahe ket nangrugi met iti alas-11:00 iti agsapa manipod iti Baguio.
Panggep iti programa daytoy a tulungan dagiti agbibiahe ken deboto a makaawid wenno makabisita kadagiti lugar a nasayaat ken awan ti gastos iti plete iti Semana Santa.
Ginugugoy iti lokal a gobierno ti publiko a gundawayan ti libre a lugan, ngem mapalpalagipan metlaeng ti amin a sumurot kadagiti pagalagadan ken pagtalinaeden ti kinatalged iti biahe.
