CORDILLERA – Inwaragawag ti Bureau of Fire Protection – Cordillera a ti Mt. Province ti nakailista iti kaadduan nga insidente ti uram ita a tawen.
Sigun kenni Fire Inspector Roy Cabanting, Chief ti Intelligence and Ingestigation Section, operations division ti BFP-CAR, dumanon iti 100 dagiti insidente ti uram iti nasao a probinsia.
Nangatngato no idilig iti 15 nga insidente idi 2025.
Kabayatanna, maikadua ti probinsiya ti Benguet a nakailista iti kaaduan a fire incident a dumanon iti 98.
Sigun kenn FINSP Cabanting, ngatngato metlaeng daytoy no idilig iti 28 nga insidente ti uram idi napalabas a tawen.
Maikatallo ti Kalinga a nakailista iti 42; Ifugao a 31; Abra a 20; siudad ti Baguio a 16 ken ti Apayao a nakailista iti dua.
Kaaduan kadagiti probinsia ket nakailista iti panagngato ti insidente ti uram, malaksid iti suidad ti Baguio ken iti probinsia ti Apayao.//Bombo Noveh Organo
