Kiniddaw ti International Criminal Court (ICC) Prosecution nga ibasura ti korte ti hirit ni sigud a President Rodrigo Duterte a mapalubosanda kuma nga iapeka ti desisyon ti korte a mangkumpirmar iti kaso kontra iti sigud nga opisyal.
Iti 12-paged document, inlawlawag ti Prosecution iti International Criminal Court Pre-Trial Chamber I nga awanen ti mabalin a mairuwar ni Duterte ken nakabasar laeng ti apela dagitoy iti saanda a panang-anamong iti nagbalin a desisyon ti korte.
Binabalaw pay ti prosecution ti sumagmamano nga statement ti legal team ni sigud a president Duterte iti media no sadino inawaganda a ‘biased’ ken ‘self-serving’ ti nasao a korte.
Sigun iti prosekusyon, kasapulan a sumurot dagiti abodago iti Code of Conduct.
Dinakamat metlaeng ti prosecution ni sigud a presidential legal counsel Salvador Panelo gapu iti maatap a panangiwaras iti media kadagiti kapada nga argumento pakairamanan ti panangdakamatna nga “trying to justify its existence” laeng ti araramiden ti International Criminal Court. //bombokaren.c.s
