Insulto para kadagiti pamilya ken biktima ti war on drugs ti maatap a panangidepensa ni Senate President Alan Peter Cayetano ka da sigud a President Rodrigo Duterte ken Sen. Ronald “Bato” dela Rosa.
Sigun kenni Cayetano, alyado ni Duterte ken nabayagen a mangidedepensa iti drug war, ti naranggas nga anti-narcotics campaign ti sigud a presidente ket “pro-life campaign, gaputa makapapatay ti droga.
Sigun met iti social media post ti legal counsel dagiti biktima a ni Kristina Conti, insulto daytoy kadagiti kabagian dagiti pimmusay, dagiti naibalud, ken dagiti maidadanes gapu iti panangidepensada iti ‘war on drugs’.
Maibasar iti listaan ti gobierno, dumanon iti agarup 6,000 dagiti napapatay a “drug personalities” kabayatan ti drug war campaign.
Nupay kasta, impaganetget ti Human rights advocates, United Nations, ken ICC investigators a dumanon iti 30,000 dagiti napapatay , pakairamanan dagiti inosente nga indibidual ken ubbing.
