TUBA, BENGUET – Pimmusay ti 35-anyos a babae kalpasan a nagsagrap iti severe head injury iti napasamak nga aksidente ti lugan iti Aspiras-Palispis Highway (Marcos Highway) idiay Sitio Caucalan, Barangay Taloy Sur, Tuba, Benguet pasado 8:00 p.m idi Sabado, Mayo 30, 2026.
Maibasar iti inisyal nga imbestigasion dagiti otoridad, naawanan iti kontrol ti maysa a Victory Liner bus a paturong idiay Pangasinan.
Napasamak ti insidente partikular iti kurbada a paset ti kalsada.
Gapu iti dayta, dinumparna ti maysa nga SUV ken sabali pay a Victory Liner bus nga agturong iti Baguio City.
Nabaliktad ti agpaabagatan a bus a nagitunda iti pannakaserra ti agpangato a kalsada nga agturong iti siudad.
Dagos met a nagresponde dagiti personnels ti Tuba MDRRMO, La Trinidad MDRRMO, Pugo MDRRMO, Baguio CDRRMO, BFP La Trinidad, BFP Tuba, City Fire, BCEMS, TUBA ACDV, R87 ken On call 911 Emergency Services, pakairamanan dagiti barangay volunteers manipud iti munisipyo ti Tuba.
Iti pannakiuman ti Bombo Radyo kenni TUBA MDRRMC Responder Clifford Lardizabal, naitaray dagiti biktima iti Benguet General Hospital, Baguio General Hospital and Medical Center ken Agoo, La Union para iti pannakataming.
Iti agdama, nakaruaren iti ospital ti sumagmamano kadagiti pasahero ti dua a bus ken ti pasahero ti SUV insidente.
Iti report ti Tuba Municipal Police Station, natalged ti kasasaad dagiti 65 manipud iti 77 a pasahero ti naawan iti preno a bus.
Agtultuloy paylaeng ti imbestigasion dagiti otoridad iti napasamak nga insidente.
Kabayatanna, impeksa ti Victory Liner expresses ti pannakipagladingitda iti ipupusay ti maysa a biktima ken inkarida ti pannakaipaay ti kaskenan a tulong kadagiti maseknan a pamilya.
Iti agdama, manarimaan ti panangrepasu a ti nasao a kompanya ti bus iti amin a rekord, pamay-an, ken ti kasasaad ti napasamak nga aksidente kas paset ti agtultuloy nga imbestigasion dagitoy.
Impeksa metlaeng ti nasao a kompanya ti panagyamanda kadagiti amin nagresponde iti napasamak nga aksidente.
Kidkidawenda ti panakaawat ket respeto ti publiko para iti privacy dagiti naapektaran a pamilya bayat a manarimaan ti imbestigasyon.//mp4
