Dakkel ti bimmabaan iti bilang dagiti natiliw gapu iti panaglabsing iti Smoke-Free Ordinance iti siudad ti Baguio idi tawen 2025, maibasar iti datos iti Smoke-Free Baguio Task Force.
Dumanon iti 1,900 ti pakabuklan nga apprehensions idi 2025—1,246 ditoy ket indibidual ken 654 ket establisimiento—a 36.45% a nababbaba nu idilig iti 2,990 a kaso idi 2024.
Maibasar iti nailista manipod idi 2018, in-inut a nagbaliw ti bilang dagiti naglabsing: kangatuan idi 2018, bimmaba idi 2021, ngimmato manen idi 2022-2023, ken bimmaba agingga 2025. Iti pakabuklan, dumanon iti 26,884 ti apprehensions manipod 2018.
Saklawen iti Smoke-Free Baguio Campaign ti City Ordinance No. 34-2017, a mangipawil iti panagsigarilio, panangilako, panangibinglay, ken panangitandudo iti sigarilio, vape, ken dadduma pay a tobacco products ken kadagiti parapubliko a lugar ken 100-meter radius manipod iti pagadalan, simbaan, ken parke.
Sigun iti lokal a gobierno, ti panagbaba dagiti kaso ket senyales iti nasaysayat a panagsurot iti publiko ken ad-adda nga epektibo a panangipatungpal iti linteg.
Adda ti kaskenan a pannusa dagiti aglabsing manipod iti P1,000 agingga iti P3,000 para iti indibidula, ken agingga iti P5,000 ken posible a panagbawi iti business permit para kadagiti establisimiento.
