Agtultuloy ti search and rescue operations idiay Nepal kalpasan a narba ti dakkel a paset iti pitak ken bato iti karayan iti Himalayan border idiay Nepal ken Tibet, China, a nangitunda iti nalawa a panaglayos.
Sigun iti Nepal Police, dumanonen iti 157 dagiti bangkay a narekober, bayat a nasurok 400 a turista ti mapukpukaw, karaman ti mapatta-patta a 340 a ganggannaet.
Karaman kadagiti mapukpukaw a turista dagiti manipod idiay United States, Australia, United Kingdom ken Canada. Sumagmamano metlaeng a South Korean, Malaysian ken Japanese nationals metlaeng ti naipadamag a mapukpukaw.
Adu a pagtaengan, kalsada, rangtay ken dagiti pasilidad iti kuryente ti naiyanod wenno nagaburan iti pitak. Agtultuloy met ti panagsapul babaen iti panagaramat kadagiti helicopter, numan pay marigatan ti rescue team a makastrek iti sumagmamano a lugar gapu iti napigsa nga ayos ken pannakadadael iti imprastraktura.
Maibasar iti inisial a panagsukimat, panagreggay iti yelo ken bato ti mabalin a nang-trigger iti nagayos a debris ken danum iti Lhende River. Pinaglibakan met iti U.S. Geological Survey a ganggannaet ti kangrunaan a rason kalpasan a naduktalan a ti nailista a seismic activity ket manipod iti panagregaay iti glacier ken panagayos iti debris.
Kabayatanna, impakaamo met iti China a tallo ti pimmusay ken 265 ti mapukpukaw idiay Gyirong, bayat nga agtultuloy pay nga iberberipikar ti bilang dagiti biktima.
Nangipaay met iti tulong ken suporta ti United Nations ken sumagmamano a gobiero para kadagiti komunidad ken gangganaet a naapektaran iti didigra.
