Inlawlawag ni Councilor Vladimir Cayabas a maad-adal ti mapampanggep a pannakaibangon ti City College of Baguio iti siudad.
Sigun kenkuana, agidiaya ti pagadalan kadagiti kurso a kasapulan ti siudad no maipapan iti employment a saan unay nga idiaya dagiti universities and colleges iti siudad.
Prayoridad iti daytoy dagiti estudyante a kualipikado iti siudad, ken posible a maala dagiti estudyante iti kabangibang a munisipyo ken probinsya manipud iti rehiyon Cordillera iti kanito nga adda ti slot.
Kabayatanna, impeksa ni Councilor Cayabas a nasurok 155,000 nga estudyante ti adda iti Northern Luzon ngem awan ti local college iti siudad.
Impeksana a saan a makikompetesiya dagitoy kadagiti dadduma a pagadalan no di ket tapno adda ti pagpilian dagiti kakailyan nangruna dagiti estudyante a marigatan kadagiti mabayadan iti private universities and colleges wenno dagiti estudyante a kayatda mangala iti kurso a saan unay a maidiaya kadagiti pagadalan iti siudad.
Gapu iti dayta, panggep iti nasao a singasing a maaddaan iti education plans, goals, policies, programs, ken activities iti siudad kas sungbat iti present ken future learning needs dagiti constituents iti siudad.
Panggep metlaeng ti Local Education Office (LEdO) a maipaayan iti quality education dagiti estudyante ken agbalin a learning city ti siudad.//Bombo Khey Reparip
