Imbutaktak ti Commission on Audit nga agarup 7,210 a pimmusay a pensioners ti impapaayan ti Armed Forces of the Philippines (AFP) iti pensionda manipud 2014 agingga 2023.
Gapu iti dayta, pakabuklan iti P614.64 million ti nabusbus a kwarta iti daytoy.
Maibasar iti report ti General Headquarters-AFP impetteng ti government auditors a ti addaan responsibilidad iti daytoy ket ti AFP Pension and Gratuity Management Center (AFPPGMC).
Gapu iti dayta, imbilin ti Commission on Audit iti Armed Forces of the Philippines (AFP) nga irecover dagiti naibaybayad a kwarta, nangruna no nai-withdraw daytoy kalpasan ti ipupusay ti maysa a pensioner.
Malaksid iti dayta, inrekomenda metlaeng dagitoy iti AFP Pension and Gratuity Management Center (AFPPGMC) a mangipatungpal iti follow-up validations kadagiti pensioners a saan a nakapag-update kadagiti records-da.
