Balligi a nakumpiskar ti aggatad iti P3.6 million a droga ken counterfeit currency iti naipatungpal a search and seizure operation sadiay Wangal, La Trinidad, Benguet ita nga aldaw.
Indauluan daytoy ni PLTCOL. Zacarias Caloy P. Dausen ken dagiti dadduma pay nga opisyal pakairamanan ti La Trinidad Municipal Police Station Drug Enforcement Unit (DEU), Provincial Drug Enforcement Unit/Provincial Intelligence Unit-Benguet (PDEU/PIU) ken ti Philippine Drug Enforcement Agency Cordillera Administrative Region (PDEA CAR).
Nagresulta daytoy iti pannakakumpiskar ti 30 a kilo ti dried marijuana leaves ken stalks no sadino naibalkut daytoy iti 30 a tubular containers.
Malaksid iti dayta, balligi metlaeng a nakumpiskar ti 650 a pidaso ti P1,000 bills counterfeit currency ken 250 a pidaso ti counterfeit PhP 500 bills.
Gapu iti dayta, maipagpaganetget iti publiko nga agbalin a naridam ken dagus nga ireport dagiti mapagduaduaan nga aktibidad.
