--Ads--
BAGUIO CITY – Agtultuloy ti nainget a panagbantay ti Baguio City Police Office para iti kinatalged ken seguridad iti publiko.
Kasaruno daytoy ti panakakemmeg ti maysa nga agtatakaw idiay Barangay Kagitingan, Baguio City idi kalman.
Maibasar iti imbestigasyon, nasiputan ti police on duty ti suspek a nagala ti wallet iti uneg ti bag ti biktima.
Gapu iti kinaalerto ti pulisya, dagus a nakemmeg ti suspek.
Kabayatanna, mapalpalagipan ti publiko nga agbalen nga atentibo ken alerto kadagiti bambanag nga imet dagitoy nangruna kadagiti napusek a lugar tapno makatulong a manglapped iti pannakapasamak dagiti kapada nga insidente.
