Impanamnama ni Baguio City Coucilor Rocky Aliping nga agtultuloy ti panangipatungpal dagitoy iti operasyon seknan iti anti-road obstruction iti siudad ti Baguio.
Sigun kenni Aliping, adda ti monthly reportorial a maisumsumitir seknan iti ipatpatungpal dagiti opisyales nga operasyon para iti kampanya dagitoy nga anti-road obstruction, anti-drug, kasta metten ti project monitoring ken daduma pay.
Gapu iti dayta, kinuna ni Aliping a no nakita dagiti residente a saan nga ar-aramiden ti opisyalda ti trabahoda ket mabalinda nga ipakaamo iti opisina iti City Mayor, Barangay Affairs Office, Department of the Interior and Local Government (DILG), ken City Council.
Immunanan nga adda iti sayanggusing nu sadino, agparparang a naobserbaran dagiti residente a saan nga ipatpatungpal dagiti opisyal ti pagrebbenganda seknan kadagiti nadakamat a pagalagadan.
Iti sabali a bangir, iti barangay hall itan iti temporaryo a pagbayadan iti cedula ken ti panagbayad iti garbage fee ken saanen nga iti munisipyo.
Daytoy ket gapu ta kinuna ni Aliping a 50-50 ti sharing iti revenue iti cedula.
Nupay kasta, agsubli metlaeng iti sigud inton Abril nu sadino, iti munisipyon iti pagbayadan kadagiti cedula ken garbage fee.
Kagiddan dayta, inyunay-uany ti nasao nga opisyal kadagiti amin a nadutukan nga opisyal a nasken nga aramidenda dagiti obligasyon ken pagrebbengan dagitoy.//Bombo Mera Pacpacan
