BAGUIO CITY – Nakailista ti Baguio City Police Office ti lima a kaso ti animal cruelty ita a tawen iti baet a nainget ti kampanya dagiti maseknan nga opisina kontra iti Republic Act No 8485 wenno Animal Welfare Act of 1998.
Maibasar iti datus, kaadwan dagiti nailista a kaso ti animal abuse ket pakairamanan ti panagluto kadagitoy kas ‘pulotan’.
Kidkiddawen met ni PCol. Francisco Bulwayan Jr., Baguio City Police Office City Director ti kooperasyon ti publiko seknan iti nasaom nga aktibidad ken mapalpalagipan ti amin a dagus nga ireport da dagiti makitada nga aniaman a kita ti panang-abuso kadagiti ayop.
Mabalballaagan pay ti publiko nga aniaman nga aksyon ti panang-abuso kadagiti ayop ket addaan ti nasken a pannusa.
Maipalpalagip a ti Republic Act 8585 ket ti responsibilidad ken ‘makatao’ a panangtrato kadagiti ayop pakairamanan ti saan a panangdangran ken panangpapatay kadagitoy, panangbaybay-an ken dadduma pay.
