BAGUIO CITY – Natiliw ti maysa a drug personality iti buy-bust operation nga insayangkat dagiti otoridad sadiay Adarna Street, Dizon Subdivision, Baguio City idi Huwebes, September 2, 2021.
Nabigbig daytoy a ni Sharry Galuba Lorenzana, 29-anyos, balasang, tubo ti Sagada, Mountain Province ken residente ti Lower Pinget, Baguio City.
Nakumpiskar kenkuana ti dua a pakete ti maatap a shabu nga agdagsen ti agarup nasurok 7.5 a gramo ken aggatad ti nasurok P51,000 malaksid pay iti tallo a pakete a naglaon ti maatap a shabu residue ken sumagmamano a pakete.
Narekober metlaeng iti ikot ni Lorenzana ti naaramat a buy-bust money.
Sigun kadagiti otoridad, aibasar iti report nailista ti nasao nga suspek kas maysa ngs Street Level Individual ken naamuan nga daytoy ket membro iti Allan Nider group nu sadinu ket agsinubli daytoy iti pagbaludan idi paylaeng 2007.
Sumangsangon daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
