--Ads--
BAGUIO CITY – Makitkita ladta dagiti basura a nagkaiwara iti igid ti kalsada partikular idiay Loakan Road, Baguio City.
Daytoy ket iti baet nga adda dagiti karatula a nasuratan ti “No Littering” ken “Strictly No Dumping of Garbage” a naipaskil.
Sumagmamano kadagitoy ket maatap a naigagara a naibelleng gapu ta nakasako dagitoy ti maris gray ken nakasupot pay ti dadakkel a plastic.
Naduktalan pay nga asidegen dagiti basura iti kanal a mabalin a mangitunda iti pannakapullat ti pagayosan ti danum.
Immunan a nagballaag ni Baguio City Mayor Benjamin Magalong iti publiko nga agbalin a responsable ti tunggal indibidual seknan iti panangimanihar iti basura dagitoy.
