Dumanon iti sangapulo ket walo nga athleta manipud rehiyon Cordillera ti makipaset iti athetics para iti Palarong Pambansa 2025.
Iti panakiuman ti Bombo Radyo kenni Johnergie Juan, coach ti Team Cordillera para iti Palarong Pambansa, kinunana a pakipasetanda ti running events kas iti hurdles ken ti throwing events a shotput, discuss throw ken daduma pay.
Sigun kenni Juan, ada met ti entries ti rehiyon Cordillera para kadagiti ay-ayam nga archery, athletics, arnies ken dagiti team events.
Kinuna ti nasao a coach a daytoy ti gundaway nga ado nga atleta ti nangibagi iti rehiyon para iti atheltics.
Iti agdama, mamarimaan ti adjustments dagitoy nangruna iti klima gapu ta ti Laoag, Ilocos Norte ket napudot bayat a nagtaud-da iti nalammiis a lugar.
Innayon ni Juan nga iti panagturongda iti host venue ket naipaay kadakuada ti umno a panagtaripato ken seguridad gapu ta nakasagana dagiti pulis a mangipaay iti assistance kasta met nga adda iti security personnel iti pagadalan a naituding kas billeting area.
Malaksid iti dayta ket well-ventilated ti nasao billeting area, maipapaay met ti pagkasapulan dagitoy kas iti danum ken naipaayanda iti beddings.
Nangrugi metten ti panag-ensayo dagiti athleta ti rehiyon Cordillera iti nasao a venue tapno magamayda daytoy wenno maka-adjustda iti surface ti Ferdinand E. Marcos Memorial Stadium.
Iti sabali a bangir, impeksa ni Juan a ti nasao a Palarong Pambansa ket maysa a wagas tapno mas i-develop dagiti atleta dagiti talento dagitoy.
Para iti Palarong Pambansa 2025, nailatangan ti delegasyon ti Rehiyon Cordillera iti P3 million a maaramat para iti travel, meal allowance, uniporme, training ken dadduma pay.
