Binigbig ken pinadayawan ti Department of Tourism Cordillera ti Bombo Radyo Baguio ken dagiti dadduma pay a media outfit kalpasan ti naipatungpal a Kapihan sa Baguio on the Baguio Correspondence and Broadcasters Club Lucky Summer Visitors program ita nga aldaw, April 16, 225 sadiay Media Camp Peppot, Burnham Park.
Sigun kenni DOT-CAR Regional Director Jovita Ganongan, ti nasao a pammigbig ken pammadayaw ket tinawen nga ipatpatungpal ti ahensya tapno maipaayan iti recognition dagiti media partners dagitoy.
Kinunana a dakkel ti kontribusyon dagiti media outfit para iti panangitandudo kadagiti nagduduma mga aktibidad ti DOT ken para metlaeng iti pannakaital-o ti industriya iti turismo, naisangsangayan a kultura ken tradisyon dagiti nagduduma a probinsya ken siudad iti rehiyon Cordillera.
Innayonna pay a dakkel ti tulong dagiti media outifts tapno maipakita ti kinapintas iti Cordillera Administrative Region.
Kabayatanna, naipeksa ni Director Ganongan kabayatan ti naipatungpal a kapihan a ti Search for the Lucky Summer Visitors (LSV) ket ti maysa a kangrunaan nga aktibidad para iti pannakaital-o ti turismo iti siyudad ti Baguio ken probinsya ti Benguet nga inorganisa ti Baguio Correspondence and broadcasters club.
Babaen iti nasao nga aktibidad ket amaamuan dagiti first time visitors iti siudad ti Baguio dagiti nagduduma a kultura saan laeng nga iti nasao a siudad ngem iti rehiyon Cordillera babaen iti panagraman dagitoy kadagiti nagduduma a Cordilleran food ken dadduma pay.//Bombo Genzel Depayso
