BAGUIO CITY – Agtultuloy ti panangital-o ti Committee on Social Services iti closer ties ti agassawa babaen iti maipatpatungpal a mass wedding iti siudad ti Baguio tunggal tawen.
Inlawlawag ni Councilor Elmer Datuin a ti napintas a panagkadkadwa dagiti agassawa ket legal a nabendisyonan gapu ta dakkel ti impact daytoy ket papapigsaenna ti pamilya.
Kabayatanna, sumagmamano kadagiti karit a sangsangoen dagiti maseknan nga opisina seknan iti family relationship ket panakaadda ti datus seknan iti panagsina ti agassawa, ken panangngato ti bilang dagiti nangipila iti petition for annulment iti korte.
Nupay kasta, kinuna ni Datuin nga agtultuloy nga italtal-o da ti constitution iti Pilipinas a panakaital-o ti pamilya kas social institution.
Kinunana pay a naswerte ti siudad ti Baguio gapu ta adda ti mabalin a pagpasyaran dagiti pamilya kas iti parke a mabalin a pagbondingan dagitoy.
