Impeksa ni Congressman Mauricio Domogan a financially sustainable ti rehiyon Cordillera sigun metlaeng iti pagsalsaludsudanna manipud iti Department of Economy, Planning, and Development.
Daytoy ket mainaig it House Bill 6981 nga ipilpila daytoy iti senado wenno ti plano a panang-establish iti Cordillera Autonomous Region.
Innayon ti congressman a narigat a maachieve daytoy nu awan ti suporta manipud iti administration.
Kinunana pay a nasken metlaeng a maamuwan nu anya ti takder ni President Ferdinand Marcos, Jr. seknan iti nasao nga isyu.
Nupay kasta, mangnamnama daytoy a masuportaran daytoy ken agbalin a linteg.
Nagtungtong metten dagitoy kadagiti dadduma a maseknan nga ahensya mainaig iti planoda a panangbisita iti president tapno mapagsaritaan ti nasao a banag.
Mainaig ti dayta, rumrumwar nga ada ti legal questions seknan iti nasao a singasing ngem apaman a kinomprontarda ti Chief of Justice, pinaglibakanna nga ada dagiti legal concerns.
Inlawlawag ni Congressman Domogan a sigun metlaeng iti Supreme Court ti Cordillera, awan ti time limit ti nasao a singasing ken ag-exist latta daytoy agingga maorganisa ti nasao nga otonomiya.
Iti sabali a bangir, impeksa pay ti opisyal a maiyaplikar ti Anti Political Dynasty nu mapatgan ti Autonomy tapno maprebentaran wenno makisayan ti ghost project iti rehiyon ken substandard development ken daduma pay a pakaseknan gapu ta agbalinen a mandatory ti pre-audit no sadino matingiting ditoy ti anyaman a proyekto kas iti kalidad daytoy ken dadduma pay. // Bombo Noveh Organo