LA TRINIDAD, BENGUET – Pimmusayen ti lalaki a biktima ti vehicular traffic accident sadiay Km. 6 La Trinidad, Benguet idi Sabado, March 21, 2026.
Nabigbig ti biktima a ni Mr. Ivan Rufino, agtawen iti 40 ken residente iti San Carlos Heights, Irisan Baguio City.
Pagaammo daytoy a maysa a miembro ti ANIDO Band, composer ken musician iti kanta a “Kaman Nina,” “Sungbat,” “Udan”, “Paradaan” ken “Rikna”.
Naideklara a dead on arrival ti biktima sadiay Benguet General Hospital.
Sigun iti La Trinidad Municipal Police Station (LTMPS), pinadas ti driver ti truck nga i-overtake ti maysa a hilux a sarsarunuenna.
Nupay kasta, ditoy metten a nasabatna ti motor a nagluganan ti biktima a nangitunda iti panakadumpar daytoy.
Kabayatanna, agladladingit met ita ti sibubukel a Cordillera music community iti ipupusay ti maysa kadagiti talentado a local artistst iti rehion.
Iti agdama, adda itan iti kustodiya ti pulisya ti agtawen iti 40 a driver ti truck a mapilaan iti kaso a Reckless imprudence resulting in homicide.
Agtultuloy paylaeng ti kanayunan nga imbestigasyon dagiti otoridad seknan iti napasamak nga insidente.//mp4
