Nagballag ti Department of Agriculture–Cordillera iti publiko seknan iti sigud a facebook page a “DA RAFIS Cordillera” kalpasan a na-hack ken naawanan iti kontrol iti ahensia.
Sigun iti Department of Agriculture–Cordillera, saanen nga opisial wenno mapagtalkan a source iti impormasion ti nasao nga account isut gapuna ginuyugoyna ti publiko a saan nga ikankano ti aniaman a posts, mensahe, wenno komento manipod iti daytoy.
Inyuswat iti ahensia ti baro nga opisial a facebook page a “DA CAR Info Hub” nu sadinno mairuruar dagiti beripikado a pablaak, update, ken opisial nga impormasion.
Agtultuloy paylaeng a maim-imbestigaran ti insidente iti security breach bayat a palpalgipan iti Department of Agriculture–Cordillera ti publiko nga agridam iti saan nga umno nga impormasion iti online.
