BAGUIO CITY – Agtaltalinaed iti above the alert and epidemic threshold ti rehiyon Cordillera kagiddan ti panagraira ti dengue iti agdama.
Iti interview ti Bombo Radyo kenni Geeny Anne Austria, Communications Management and Health Promotion Unit Head iti Department of Health – Cordillera, bimmaba ti kaso ti dengue ngem adu ladta dagiti pasyente bayat a daduma a probinsiya ket ngumatngato met ti kasona.
Sigun kenni Austria, 203% increase wenno pakabuklan a 12,272 a kaso ti dengue ti nairekordda manipud Enero agingga Agosto 10, iti agdama a tawen.
Manipud iti nasao a bilang, dua pulo ket uppat (24) ti pimmusay nu idilig iti walo laeng idi napan a tawen.
Maibasar iti datus ti ahensiya, nakairekord ti Abra ti 218 a kaso ti dengue; 586 iti Apayao; 3,231 iti Baguio City; 4,885 iti Benguet; 704 iti Ifugao; 832 iti Kalinga, ken 1,816 iti Mt. Province.
Inlawlawagna a dagitoy dagiti pasyente a nagpakonsulta kadagiti health center ken hospital.
Iti datus dagiti pimmusay iti nasao a sakit, walo ti nailista a pimmusay iti 1-10 years old, ken lima iti 65 years-old and above.
Kinunana a dagiti pimmusay ket karaman iti vulnerable population, ti very young ken very old nu sadino makitkita a saan a naka-adapt dagiti bagi dagitoy iti infections.
Mainaig iti dayta, inlawlawagna a ti panangideklara iti blue status ket para iti panakaipatungpal dagiti interventions kas iti monitoring dagiti kaso; panangipasigurado nu umdas ti capacitiy dagiti RHU ken hospital; panangsukimat kadagiti kasapulan a resources; ken daduma pay.
Kabayatanna, imonmonitorda metlaeng ti capacity kadagiti ospital nu sadino dumanon iti 10% agingga 15% ti admission dagitoy iti dengue cases.
