Nagpalagip ni Police Colonel Ruel Tagel, City Director ti Baguio City Police Office kadagiti amin a motorista a kasapulan ti disiplina, attidog a pasensya ken panakaawat iti panagbyahe dagitoy tapno maliklikan dagiti anyaman a road rage.
Sigun kenni Tagel, no adda dagiti problema wenno saan a panagkinaawatan, nasayaat a tawaganda ti atensyon dagiti otoridad.
Gapu ta kinunana a ti Baguio City Police Office ket kadua dagiti motorista iti naannayas ken nasayaat a panagbyahe dagitoy.
Ngem, impeksana met nga adda iti limitasyon dagiti otoridad rason a kasapulan met ti panakitinnulong ti publiko babaen iti panang-ammoda kadagiti responsibilidad dagitoy.
Ti panangkita a nasayaat kadagiti pagtaenganda sakbay nga umikkat, ti saan a panagaramat kadagiti nginginaen a banag kas iti alahas, ken ti panangbantay dagiti komuters kadagiti kagawaanda.
Impeksa ti City Director, nasken nga agridam ti tunggal maysa tapno agbalin a nasayaat ken napateg ti panang-obersarda iti Semana Santa.
