Nakemmeg dagiti otoridad ti dua nga indibidual kabayatan ti naipatungpal a buy-bust operation sadiay Pico, La Trinidad, Benguet ita nga aldaw.
Dagiti suspek ket 26-anyos, construction worker ken 40-anyos, maysa a mannalon ken agpada a residente ti Badeo, Kibungan, Benguet.
Balligi ti nasao nga operasyon babaen ti panagidaulo ti Philippine Drug Enforcement Agency Regional Office 1 Regional Special Enforcement Team kaduada ti La Trinidad Municipal Police Station.
Naala kadagiti suspek ti innem a pidaso ti tubular form ti marijuana dried leaves nga agdagsen iti 6-K a gramo ken addaan iti gatad a P162-K.
Malaksid iti dayta, nakumpiskar kadakuada dagiti daduma a non-drug evidence a pakairamanan ti maysa a pidaso ti genuine P1-K bill, sangagasut innem a pulo ket maysa a pidaso ti boodle money a P1-K, maysa a blue black keypad cellular phone ken maysa a red black keypad cellular phone.
Iti agdama, sumangsango dagiti suspek iti kaso a panaglabsing iti Republic Act No. 9165 wenno ti Comprehensive Dangerous Drugs Act of 2002.
