Inwaragawag ti Department of Labor and Employment (DOLE) a mabalin a pilien dagiti empleyado a saan nga agreport iti trabahoda, tapno maliklikan ti peggad iti kinabara ti panawen, ngem saanda a masueldoan.
Sigun kenni Bienvenido Laguesma, Secretary ti Labor and employment nga adda kadagiti empleyado ti saan a semrek iti trabaho gapu kadagiti peggad, pakairaman ti nakaro a kinabara ti panawen maibasar iti DOLE Advisory No. 17-2022.
Innayon ni Laguesma, a saan a maipaayan ti administrative sanction dagiti empleyado a saan a sumrek iti trabaho dagitoy.
Nagpalagip pay ti nasao nga opisyal kadagiti empleado nga ipakaammoda kadagiti empolyerda ti maipapan iti daytoy, tapno maliklikan ti aniaman a saan panagkikinnaawatan iti trabaho dagitoy.
Kabayatana, mabalin nga ag-avail dagiti maospital iti heat exhaustion wenno heat stroke kadagiti benepisio benefit package a P4,550 para iti hospital fees ken P1,950 para iti professional fees kadagiti aniaman a PhilHealth-accredited health facility, sigun iti nasao nga ahensia.
