Balligi a naangay iti Baguio City ti Search for Regional 4Ps Huwarang Pamilya and Exemplary Child 2025.
Nagun-od ni Lex Francis Leigh D. Salibad manipod Lubuagan, Kalinga ti first place iti Regional Search for Exemplary Child nu sadino, naipaayan daytoy iti PhP10,000; second place ni Blu Jasmine B. Gano manipod Hingyon,Ifugao a nakaawat iti PhP8,000; ken third place ni Eusebio G. Sacupaso III manipod Flora, Apayao a naipaayan met iti PhP5,000.
Naipaayan met iti sag-PhP3,000 a consolation price da Kayesey F. Laurante manipod Baguio City, Jeny Claire B. Pantelon manipod Bokod, Benguet, ken Fegan Ara S. Pagtoc manipod Bauko Mt. Province.
Iti met Search for Huwarang Pamilya, nagun-od ti pamilya ni Rebecca A.Saguilot manipod Tinglayan, Kalinga ti first place; second place ti pamilya ni Christopher D. Kindahan manipod Tinoc, Ifugao; ken third place ti pamilya ni Catherine M. Suclad manipod Baguio City.
Dagiti amin a partisipante iti nasao a pasalip ket immuna pay a dimmalan ken nagballigi iti provincial ken city level ken nagdadaponda iti Baguio City para iti regional search.
Kabayatanna, manamnama a makipartisipar iti national level iti Search for 4ps Huwarang Pamilya and Exemplary Child 2025 dagiti winners iti regional level.//Bombo Jerwin Aquino
