BAGUIO CITY – Agarup lima pulo a pulis ken dua pulo a traffic auxiliary unit ti mangimanmando iti gunay ti trapiko iti paset ti matartarimaan a kalsada idiay La Trinidad, Benguet.
Iti interview ti Bombo Radyo kenni PLt.Col. Benson Macli-ing, mangidadaulo iti La Trinidad Municipal Police Station, puminpintasen ti kasasaad ti trapiko gapu ta nailukat ti sentro ti kalsada malaksid iti daduma a paset ti kalsada.
Kabayatanna, nakasaganan ti La Trinidad Municipal Police Station para iti deployment dagitoy apaman a mapasaran ti didigra.
Sigun kenni Macli-ing, kompleto amin ti equipment dagitoy babaen iti panakitinnulong ti local government unit ken daduma pay a maseknan nga opisina.’
Iti sabali a bangir, impasigurado ti nasao nga opisyal a magun-od ti napintas a linak ken kappia iti nasao a municipyo.
