Imbilin ti International Criminal Court (ICC) Pre-Trial Chamber I iti prosekusyon nga ipibak dagiti bidensya seknan ti kaso a crimes against humanity kontra kenni sigud a President Rodrigo Duterte sakbay wenno inton Hulyo 1, 2025.
Maibasar iti 20 a panid a nairuar idi Abril 17, kasapulan a mairaman iti prosekusyon ti amin nga ebidensia a maaramat iti panagdinggeg ti kumpirmasion dagiti kaso, karaman dagiti statement dagiti saksi, dagiti ebidensia a pumabor iti akusado, ken dadduma pay a dokumento sigun iti Rule 77 ti ICC Rules.
Impaganetget ti ICC nga aniaman nga ebidensia a maisubmitir kalpasan ti naituding a petsa ket saanen a mabalin a maawat pay.
Maipalagip a ni Duterte ket sumangsango iti kaso a crimes against humanity gapu iti mapapati a pammapatayna a napasamak iti Pilipinas manipod idi Nobyembre 1, 2011 agingga Marso 16, 2019.
Natiliw ni Duterte sadiay Manila idi Marso 11 kalpasan a simmangpet manipud Hong Kong, ken agdama a nakabalud idiay The Hague. Tallo nga aldaw kalpasan ti pannakaarestona, nagparang iti umuna a hearing ti ICC para iti kumpirmasion dagiti kaso kontra kenkuana,
