ESTADOS UNIDOS – Nasertipikaran kas kataengan iti lubong nga addaan ti nagtipon nga edad a 571 ti innem nga agkakabsat a babbai idiay Missouri, United States.
Dagitoy da Norma, Lorene, Maxine, Dories, Margaret ken Elma.
Ti pakabuklan a range ti tawen dagiti agkakabsat ket manipud 88 agingga 101 nu sadino nu agtitipon dagitoy ket dumanon iti 571 years 293 days ken nasursurok pay.
Nagbiag dagiti agkakabsat iti nagduduma a kangrunaan a pasamak iti sangalubongan iti uneg ti siyam a dekada, pakairamnan daytoy ti the Great Depression, World War II, ken ti COVID-19 pandemic.
Sigun kenni Elma, maad-addaanda ti saan a panagkinnaawatan ngem saanda a nagung-unget iti tunggal maysa.
Kabayatanna, adda ti kabsat dagitoy a lalaki ngem pimmusay daytoy gapu iti bicycle accident idi agtawen ti walo pulo ket maysa.
