BAGUIO CITY – Naladingitan ni Punong Barangay Eduardo Cayetano iti kina-iresponsable dagiti amin a motorista nga agtuturong sadiay Ongasan, Loakan, Proper wenno ti maaw-awagan a Great Wall of Baguio.
Kalpasan daytoy dagiti naiyum-uman kenkuana nga adu dagiti basura a naiwalang wenno agkaiwara sadiay.
Kinunana nga agbalbalin itan ti nasao a lugar a tourist attractioon gapu iti napintas a view daytoy nupay manarimaan ti konstruksiyon ti nasao nga kalsada.
Sigun kenkuana, ur-urayenda ti aksion ti DPWH nu ipaserrada ti kalsada kadagiti motorista ken amin ng agturturong sadiay.
Kidkiddawenna met laeng a saan koma a mailukat ti kalsada gapu iti mapaspasaran a pamdemya.
Kabayatanna, imbinglayna a napagnumwan dagiti maseknan nga opisyales iti nasao a barangay nga dagitoy laengen ti mangdalus kadagiti basura sadiay kasta met iti panagwanawanda tapnu maliklikan ti pannakaibeleng dagiti basura sadiay.
