--Ads--
Namnamaen ti kampo ni sigud a President Rodrigo Roa Duterte nga resolbaenen ti Korte Suprema dagiti petisyon seknan iti maatap nga ilegal a pannakaaresto ti sigud a presidente.
Iti pannakiuman ti Bombo Radyo kenni Atty. Salvador Paolo Panelo Jr, imbinglayna ti panangnamnamana nga anyaman nga oras ita ket pagdesisyonan ti Korte Suprema ti maipanggep iti kaso.
Patien ni Atty. Panelo, Jr. a ti panagdesisyon ti nasao a korte ti maudi nga adda iti proseso sakbay nga mai-isyu ti pinal a resolusyon.
Ti Atty. Panelo, Jr. ti ‘legal counsel’ ni Veronica ‘Kitty’ Duterte iti petisyon ‘habeas corpus’ nga impilana iti Korte Suprema.
Iti agdama, nakabinbin pay laeng dagiti petisyon iti Korte Suprema. //BomboKCS
