BAGUIO CITY – Inlawlawag ti Land Transportation Franchising and Regulatory Board (LTFRB) ti kinapateg ti jeepney modernization ditoy siudad ti Baguio nangruna iti parikot iti trapiko.
Sigun kenni Atty. Laird Dionel Urbanozo, baro a dadaulo ti LTFRB-Cordillera, babaen iti jeepney modernization ket maadal nga umno ti public transport demand ditoy siudad.
Kinunana a dakkel iti agbalin a tulong daytoy tapnu mabukel ti route plan para kadagiti lugan a mangpalaka iti panaka-ammo dagiti otoridad iti paset ti kalsada iti Baguio a pakapaspasaran ti nailet a taray ti trapiko.
Maipalagip a tinubngar dagiti sumagmamano a grupo dagiti jeepney operators iti siudad ti nasao a panggep, partikular ti panakainayon ti 200 a baro nga units ti taxi ditoy Baguio. (-with Bombo Brigitte Marcasi)
