Impetteng ni Baguio City Councilor Vladimir Cayabas a nasayaat ti koordinasyon dagitoy kadagiti babarangay iti siudad bayat ti bagyo nga Uwan.
Pinagyamananna pay dagiti barangay oficials gapu ti naalibtak a panagresponde dagitoy.
Sigun kenkuana, apaman nga adda dagiti nagbakwit ket nagrikusda kadagiti babbarangay iti siudad tapno bisitaen ti kasasaad dagitoy no sadino kaduana metlaaeng ditoy ni Baguio Congressman Atty. Mauricio Domogan.
Kabayatanna, iti panakiuman ti Bombo Radyo kenni Angelina Ramos, brgy captain ti camp 7, Baguio City, kinunana a 90% ti kina-alerto dagiti constituents daytoy iti nasao a barangay.
Sigun kenkuana dakkel a tulong ti koordinasyon ti tumunggal maysa rason nga awan napasamak a nakaro nga insidente ti panagdalapus ti bagyo nga Uwan.
Innayon ti naso nga opisyal nga adda ti agarup lima nga in-forced evacuate dagitoy gapu iti possible a panagregaay ti daga kadagiti nakaipasdekan ti pagtaengan dagitoy.
Iti baet dayta, kinunana a maibasar iti assessment dagitoy ket nagtulnog dagiti residente nangruna ti waragawagda a panagbakwit bayat ti nasao a Baguio.//Bombo Noveh Organo
