Pimmusay ti maysa a lalaki, agtawen ti 70, tubo ti Taluktok, Tanudan, Kalinga ken residente ti Purok 4, Dontogan, Baguio City kalpasan a kinettelna ti bukodna a biag.
Maibasar iti inisial nga imbestigasyon ti pulisya, nasangpetan ti apokona nga agtawen ti 18 ti lolona a nagbekkel daytoy iti sanguanan ti kwarto.
Dagus met a winarwar ti ubing ti tali tapnu i-revive ti lolona ngem awanen ti pulso daytoy.
Ti nasao nga insidente ket dagos met a naitawag iti station ti pulisya.
Bayat ti panakaipatungpal ti imbestigasyon, naduktalan a ti lakay ket makapaspasar ti depression idi paylaeng tawen 2010.
Naamuan pay a na-confine daytoy iti maysa a rehabilitation complex iti manu a bulan. Ngem nakaruar kalpasan ti sumagmamano a bulan ken nabilin nga itultuloyna latta ti “medication” ken naka-schedule ti check-up na iti tunggal 3 a bulan.
Bayat ti panagtultuloy ti imbestigasion, nakakita dagiti otoridad ti surat iti crime scene a naka-address amin kadagiti annakna. //Bombo Noveh Organo
