Isagsaganaan ti Tabuk City, Kalinga ti Lenten Season nangruna ti panagsangbay dagiti turista.
Sigun kenni PLTCOL. Benson Macli-ing, Chief of Police ti Tabuk City Police Station, adu dagiti mabalin a pagpasyaran iti Kalinga nangruna iti paset ti Lubuagan, Tinglayan ken dadduma pay.
Guyguyuguyen met ti opisial nga i-click laeng dagiti turista kadagiti Tourism pages ti Kalinga tapno makitada dagiti adu a tourism site sadiay a mabalinda a pagpasyaran.
Mainaig iti dayta, inpeksa ni Macli-ing nga adu dagiti checkpoints a mangbantay iti nagduduma a paset ti Kalinga tapno malapdan ti pannkaipuslit dagiti iligal a droga.
Kabayatanna, kidkiddawenna kadagiti residente iti Kalinga nga agturongda iti stasion dagitoy tapno kitaenda dagiti alikamen a nakospiskar dagitoy manipud kadagiti natiliwanda nga aktatakaw.
Iti sabali a bangir, inyunay-unay ti nasao nga opisiyal kadagiti agipopost iti social media a liklikanda nga agala iti posting manipud kadagiti dadduma a lugar gaputa mangdadael daytoy iti peace and order iti nasao a lugar.//mp4
