![](https://img.bomboradyo.com/baguio/2024/07/LIQUID-SHABU-CANNABIS-OIL-IN-VAPE.jpg)
BAGUIO CITY – Naduktalan a maar-aramat ti liquid shabu iti rehiyon Cordillera.
Iti datus ti Philippine Drug Enforcement Agency – Cordillera, inaynayon dagiti drug users ti bassit a liquid shabu iti ar-aramaten dagitoy.
Kabayatanna, nakakumpiskar ti ahensiya ti vape a naglaon ti cannabis oil idi napalpalabas a tawen nu sadino daytoy ket import product.
Gapu iti dayta, maibalballaag iti publiko nga agganad iti panagaramat ti vape gapu ta awan iti label daytoy a naglaon iti nasao a banag.
Iti sabali a bangir, kaadwan a nakumpiskar iti rehiyon ti marijuana oil—ti bigbigbigenda nga agas.
Kabayatanna, inaklon ni Rosel Sarmiento, Information Officer ti Philippine Drug Enforcement Agency – Cordillera a marigatan dagitoy a mangclear kadagiti barangays iti rehiyon.
Sigun kenkuana, dumanon iti sangapulo ket walo ti drug-affected nu sadino sangapulo ket dua a barangay ti drug-affected idiay Abra; maysa idiay Apayao ken lima a barangay idiay Kalinga.
Dinakamatna pay a kiniddawda ti panakanayon ti uppat a K9 dogs gapu ta nalawa unay ti Cordillera ken maikonkonsidera ti travelda iti nagduduma a probinsiya.
Malaksid iti dayta, panggep metlaeng ti Philippine Drug Enforcement Agency – Cordillera nga ideklara ti drug-free kadagiti local government units.