Pimmusay ti maysa a PDEA agent manipud iti siudad ti Baguio kabayatan iti maysa nga anti-illegal drug operations idiay Tawi-Tawi itay agsapa.
Sigun kenni Capt. Steffi Salanguit, pannakangiwat ti Police Regional Office – Bangsamoro Autonomous Region (PRO-BAR), pimmusay ni Enfernie Jim Dayag kabayatan bayat a nadunor ti tallo pay a miyembro ti Philippine Marines pakairamanan ti commander dagitoy a ni Lt. Col. Richard Malabanan.
Innayon pay ti nasao nga opisyal, mangisayangkat kuma iti entrapment operation dagiti agents ti PDEA-BARMM, marine personnel nga idadauloan ni Malabanan ket dagiti kameng ti ng Police Regional Office-Bangsamoro Autonomous Region idiay Tawi-Tawi kontra kadagiti mapagduaduaan a drug dealers idiay Mapanbub, Paniongan.
Kagidan dayta, pimmusay metlaeng ti maysa a gunman nga immatake iti tropa ti gobyerno.
Kabayatanna, ni Dayag ket alumni ti Saint Louis School of Pacdal, Inc. no sadino naggraduar daytoy idi 2015.
Inyebkas met ti Saint Louis School of Pacdal, Inc. ti panakipagriknada iti ipupusay ni Dayag ken inladawanda ni Dayag kas maysa a dedicated public servant a nakasagana a mangipaay iti biyagna para iti serbisyona. //bombokaren.c.sapirao