BAGUIO CTIY – Nakasagana ti team a mangpasangbay kadagiti delegado para iti Mister Grand Philippines – Cordillera inton bigat iti Supreme Hotel, Baguio City.
Dagiti dua pulo a kandidato ken nagtaud iti nagduduma a probinsiya ken siudad iti rehiyon Cordillea.
Daytoy a pageant ket paset ti selebrasyon ti La Trinidad Tourism Week iti agdama a tawen.
Iti interview ti Bombo Radyo kenni La Trinidad Councilor Belmer Elis, Regional Director ti Mister Grand Philippines – Cordillera, panggep daytoy nga event a pagkaykaysaen ti nagduduma a probinsiya tapno makipaset da iti La Trinidad Tourism week.
Sigun kenni Elis, maipatungpal ti pre-pageant inton Setyembre 26 iti La Trinidad municipal gym iti alas kwatro ti malem.
Maipatungpal ti fashion forward ken talent show dagitoy iti kadaklan a mall iti siudad nu sadino tampok ditoy ti nagduduma a design, enabel clothes, tela ken clothings iti rehiyon.
Kabayatanna, maipatungpal ti grand coronation night inton Setyembre 28 a maangay iti Cordillera Career Development College gym idiay Buyagan, Polacion, La Trinidad, Benguet a mangrugi iti alas sais ti malem.
Ti mangabak iti nasao a pageant ket ibagi-na ti rehiyon Cordillera para iti pre-pageant ken final pageant a maangay idiay Manila.
Makaawat ti Mister Grand Philippines – Cordillera ti P50-K cash ken makaawat iti daduma nga sponsors; Man Hot Star Philippines – Cordillera ket makaawat ti P30-K cash ken Mister Tourism Globe – Cordillera a makaawat ti P20-K cash ken daduma pay a premyo nga agtaud iti Department of Tourism; ken makaawat ti 1st runner-up ken 2nd runner-up ti sag-P10-K cash.
Manipud iti bilang dagiti delegado, lima iti Benguet; sag-tallo ti nagtaud iti Mt. Province, Ifugao ken Apayao; ken sag-maysa iti Kalinga ken Baguio City.
