Nakaronoon kas Mr. Benguet 2025 ti pambato ti Kibungan a ni Kyle Brent Kimayong bayat a nakoronaan met kas Miss Benguet 2025 ti pambato ti La Trinidad a ni Angelika Josierry Servinas iti kaleppas a grand coronation night iti Benguet Sports Complex Gymnasium sadiay Wangal, La Trinidad, Benguet.
Kabayatanna, naala da Mr. Atok Rudee Dolipas, Jr. ken Ms. Tuba Trixie Togatog ti korona iti Mister and Miss Benguet Culture; Mister and Miss Benguet Tourism da Mr. Bokod Raymund Pablo ken Ms. Itogon Shikara Dumayag; Mister and Miss Benguet Nature da Mr. Tuba Sidrick Sevilla ken Ms. Bakun Irish Amor Kudan ken naala met da Mr. Kabayan Benar John Wallace ken Ms. Bokod Honey Lynne Tictic ti Mister and Miss Benguet Youth.
Dagiti met nakaala iti minor awards para iti Best in Smile Award ket da Mr. Kapangan ken Ms. La Trinidad; Best in Fashion Sense da Mr. Tublay ken Ms. Itogon; Online Choice Award da Mr. La Trinidad ken Ms. Bakun; Photogenic Award da Mr. Itogon ken Ms. La Trinidad; ken naala da Mr. Sablan ken Ms. Bugias ti Congeniality award.
Malaksid iti dayta, dagiti Top 5 Municipalities nga addaan iti Best Advocacies ket naala ti Tuba, Kabayan, La Trinidad, Bokod ken Kibungan.
Nabigbig met kas Best Creative Attire da Mr. Buguias ken Ms. Tuba bayat a Best in Formal Wear da Mr. Tuba ken Ms. La Trinidad.
Ti Mr. and Miss Benguet 2025 ket paset paylaeng iti manarimaan nga Adivay Festival 2025 iti probinsya ti Benguet.
