BAGUIO CITY – Rinugianen ti Rural Health Unit (RHU) ti Lubuagan, Kalinga ti contact tracing kadagiti nakapulpulapol dagiti dua a pasyente sadiay a nakaptan iti UK variant ti COVID-19.
Sigun kenni Kalinga Provincial Health Officer Dr. Edward Tandingan, agingga iti third generation contacts ti birbirukenda ita.
Dinakamatna a dagiti dua a UK variant cases sadiay ket agpada a lallaki nga agtawen ti lima ken pito manipud Poblacion, Lubuagan ken nagpositibo dagitoy iti COVID-19 idi napalabas a February 17.
Naipasidong dagiti dua nga ubbing iti isolation ken nagnegatibodan iti COVID-19 idi napalabas a March 3 ken March 8.
Impasigurado met ni Kalinga Governor Ferdinand Tubban nga ar-aramiden amin ti provincial government tapnu mabantayan ti kaso ken maipatungpal ti umno a quarantine measures sadiay Lubuagan, Kalinga.
