BAGUIO CITY – Nasuroken iti 50 a pursyento iti eligible population ditoy Baguio City ti naipaayan ti booster shots kontra Covid-19 kasaruno iti panagrugi ti pannakaiwaras ti maikadwa a booster shots iti elderly population.
Maibasar iti datos, manipod iti 281,000 a mapunpuntirya a mabakunaan iti eligible adult population ket dumanon iti 43.05 percent dagiti nakaawat iti umuna a shot ti boosters dagitoy manipod Mayo 16.
Kagiddan iti dayta, kinuna ni Baguio public information office chief, Aileen Refuerzo nga ituloy ti lokal a gobierno ti syudad a mangipaay iti vaccination services kadagiti residente, interesado a turista ken umili manipod kadagiti asideg a munisipyo.
Kabayatanna, nilawlawagan ni assistant city health officer Celia Flor Brillantes a ti maikadwa a booster shots ket limitado paylaeng iti agdama kadagiti health workers ken senior citizens.
