TABUK CITY, KALINGA – Nakumpiskar ti nasurok P23-million ti gatadna a dried marijuana bricks idiay Tabuk City, Kalinga idi kalman, Setyembre 27, iti agdama a tawen.
Iti drug interdiction operation, nakemmeg ti tallo a drug personalities.
Pakabuklan a 192 bricks ti naala manipud kadaiti suspek.
Naiturong dagiti suspek iti Tabuk City Police Station para iti umno a dokumentasyon.
Sigun kenni PLtCol. Jolly Ngaya-an, ipakpakita ti balligi nga operasyon ti komitmentda ken napinget a panagtrabaho dagitoy.
Nagyaman pay daytoy iti aktibo a suporta ti komunidad para iti panagballigi iti nasao nga operasyon.
Impaganetgetna nga agtultuloy ti nainget a kampanya da kontra iligal a droga ken daduma pay a kita ti kriminalidad tapno mapagtalinaed ti kinatalged iti publiko.