Agyamyaman ni Barangay Captain Arthur Carlos kalpasan a nainagunaran ti multipurpose hall ti barangay Irisan iti laksid kadagiti issue a napaspasamak iti kallabes.
Iti pannakiuman ti Bombo Radyo kenni Mayor Benjamin Magalong, kinunana a daytoy a multipurpose hall ket isu iti kadakkelan a barangay hall iti syudad ti Baguio.
Kinunana pay a nu man pay adda dagiti issue a sinangsango ti nasao a multipurpoose ngem nabaelan ladta daytoy a maileppas uray adda pay ti medyo kurangna.
Impaganetgetna met nga awan ti corruption a napasamak iti panakapatakder ti nasao a pasdek.
Natakuatanna metlaeng a basol daytoy iti immuna a contractor, rason a kinuna ni mayor Magalong a naterminate daytoyen ken blacklisted ti nasao a contractor iti syudad.
Daytoy a pasdek ket dakkel a tulong para kadagiti taga-Irisan nangruna nu adda iti meeting wenno announcementsda gapu ta saanen a masapul nga ibiruk ti pwestoda tapno makadengngegda laeng.//Bombo Noveh Organo
