--Ads--
BENGUET PROVINCE – Agtultuloy ti panagregget ken nainget a kampanya ti Benguet Police Provincial Office kontra iti iligal a droga.
Kasaruno daytoy ti panakadiskobre ti marijuana a plants a pakabuklan nga agbalor ti P198-K iti dua a plantasyon iti nasao a probinsiya.
Sadiay Sitio Manga-an, Brgy. Kayapa, Bakun, naduktalan dagiti operatiba ti 150-square-meter a kalawana a daga nu sadino nakamula ti 750 a pidaso ti marijuana plants.
Mapatta-patta nga agbalor daytoy ti P150,000.
Sadiay Sitio Bulalacao, Brgy. Tacadang, Kibungan, naduktalan ti 1,200 marijuana seedlings a nakamula iti ten-square-meter a kalawana a daga nu sadino mapatta-patta nga agbalor daytoy ti P48,000.
Amin dagiti naduktalan nga illigal a mula ket dinadael dagiti operatiba.
