--Ads--
Pakabuklan manen a P2.5 million ti gatadna a marijuana plants ti nadiskobre ti Police Regional Office Cordillera idiay Kalinga ken Benguet idi kalman, Agosto 28.
Iti probinsiya ti Benguet, agarup 720 a puon ti dadakkel a mula a marijuana nga aggatad iti P144-K ti pinarut dagiti otoridad idiay Barangay Kayapa, Bakun ken Barangay Tacadang, Kibungan.
Iti met probinsiya ti Kalinga, 12,000 a puon ti dadakkel a mula a marijuana nga aggatad iti P2.4 million ti pinarut metlaeng dagiti otoridad idiay Barangay Butbut Proper, Tinglayan.
Amin dagiti nadiskobre a marijuana plants ket nauram kadagiti nadakamat a lugar.
Awan pay ti natiliw nga akinmula kadagitoy.
