BAGUIO CITY – Nadadael ti dumanon P79,000 ti gatadna a sub-standard construction materials sadiay Guinzadan, Bauko, Mountain Province itay laeng nabiit.
Maibasar iti report ti Department of Trade and Industry-Mt. Province, karaman kadagiti nadadael dagiti nakumpiskar a saan a sertipikado nga steel bars, steel wires, bulbs ken plugs.
Maipalagip a nasken a sinertipikaran ti Bureau of Product Standards dagiti produkto ti konstruksion kas iti reinforcement steel bars, semento, plywood ken electrical products a pakairamaan ti bulbs ken electrical tapes.
Nadadael iti mismo a site dagiti 300 nga steel bars ken 31 a rolyo nga steel wires bayat a nakumpiskar dagiti innem a bulb, 28 a plugs.
Naamuan a dagiti nadadael a materyales ket naidonar iti Caotit Primary School sadiay Guinzadan a maaramat koma iti konstruksion ti alad ti pagadalan.
Gapu iti daytoy, naminsan manen nga ipalpalagip dagiti otoridad ti umno a panaka-ammo ti publiko kadagiti karbenganda kas konsumer ken ti panangipasiguradoda a kalidad dagiti gatgatangen dagitoy a produkto.
