BAGUIO CITY – Balligi ti selebrasyon ti Famers and Fisherfolks Month nga addaan tema a “Preserving Heritage, Capturing Values sadiay Melvin Jones Granstand, Burnham Park, Baguio City a nagleppas idi Mayo 30.
Iti nasao a selebrasyon, naitampok ti kaunaan a panakaaramid ti “Paella a la Cordillera” nu sadino addaan daytoy ti kangrunaan nga ingredients a heirloom rice, maysa a kita ti bagas a napnuan iti nutrisyon nu idilig kadagiti commercialized a bagas; pinunog wenno blood sausage; kiniing wenno smoke meat; ken dagiti High land vegetables.
Agarup 22 a chefs ti nangisagana ken nagluto iti “Paella a la Cordillera” nga addaan ti kalawa a 3 meter in diameter ken agarup maysa a ribo ti nakaraman iti daytoy.
Dagiti personalidad a nakipaset iti nasao a programa ket da Atty. Jennilyn Dawayan, Regional Executive Director Department of Agriculture – Cordillera; Engr. Christopher Morales, Undersecretary for Rice Industry Development; Hon. James Edduba, Governor ti Kalinga; Dabiel Atayde, Assistant Secretary for logistics Department of Agriculture ken daduma pay.
Naipatungpal met dagiti daduma nga aktibidad a pakairamanan ti Fish deboning/smoking, Crop’s Grafting, Pet Vaccination, Animal Fun Show ken daduma pay.
Maipalagip a ti Famers and Fisherfolks month ket bulan para iti panagipaay ti pammadayaw kadagiti amin a mannalon ken mangngalap iti rehiyon Cordillera.//Bombo Mera Pacpacan/Bombo Jerwin Aquino
